पाल्पामा सोमबार मात्रै १७९ जना कोरोनाका संक्रमित थपिए!

तानसेन । पाल्पामा सोमबार थप १७९ जनामा कोरोना सङ्क्रमण पुष्टि भएको छ ।

साेमबार जिल्लामा पहिलो पटक एकैदिन ठूलो संख्यामा संक्रमण पुष्टि भएको हो । स्वास्थ्य कार्यालय पाल्पाले दिएको जानकारी अनुसार ९९ पुरुष तथा ८० जना महिलामा संक्रमण पुष्टि भएको हो ।

थपिएकामा माथागढी गाउँपालिकाका १५, रामपुर नगरपालिकाका ४, पूर्वखोलाका ६, रैनादेवी छहराका ६ र रम्भा गाउँपालिकाका ६ जना रहेको स्वास्थ्य कार्यालय पाल्पाका सूचना अधिकारी ओम प्रकाश पन्थीले जानकारी दिए।

यस्तै बगनासकाली गाउँपालिकामा २०, तिनाउमा २, रिब्दीकोटमा ५६, निस्दीमा २ र तानसेन नगरमा थप ६२ जनामा सङ्क्रमण पुष्टि भएको सूचना अधिकारी पन्थीले बताए।

थपिएका संक्रमितसंगै हाल जिल्लामा एक हजार १३१ जना सक्रिय संक्रमित पुगेको स्वास्थ्य कार्यालय पाल्पाले जनाएको छ ।

जसमध्य ४८ जना विभिन्न अस्पतालमा उपचाररत छन् भने एक हजार ८३ जना होम आइसोलेशनमा बस्दै आएका छन् । यस्तै सोमबार थप दुई जनाको मृत्यु भएपछि जिल्लाभर ५३ जना संक्रमितले ज्यान गुमाएका छन् ।