पाल्पामा पहिरोले ५ घर बगायो, १ जनाको मृत्यु, १ जना बेपत्ता

तानसेन। पाल्पामा गएरातीदेखि परेको अविरल वर्षासंगै आएको पहिरोले ५ घर बगाएको छ भने एक जनाको मृत्यु भएको ।

यस्तै पहिरोमा एक जना बेपत्ता भएको प्रहरीले जनाएको छ । सिद्धार्थ राजमार्ग अन्तरगत तिनाउ गाउँपालिकाको वडा नं. ५ हिउँदेखोला नजिकै पहिरोले पुरेर स्थानीय ४५ वर्षीय वीरबहादुर गुरुङको मृत्यु भएको प्रहरीले जनाएको छ ।

यस्तै पूजा परियारका चार वर्षीय छोरा आरोब परियार बेपत्ता भएको जिल्ला प्रहरी कार्यालय पाल्पाका सूचना अधिकारी रामेश्वर त्वातीले जानकारी दिए ।

पहिरोमा परेका ३ जना घाईतेको उद्दार गरि उपचारका लागि तानसेनस्थित युनाईटेड मिसन अस्पतालमा पठाईएको प्रहरीले जनाएको छ ।

यस्तै पहिरो सोही स्थानका ५ घर पुरेको पनि प्रहरीले जनाएको छ ।  अहिले पनि निरन्तर पानी परेका कारण उद्दारमा  समेत समस्या भएको प्रहरीले जनाएको छ ।