तानसेन। पाल्पामा बुधबारदेखि हराएका पुरुष मृत अवस्थामा फेला परेका छन् ।
जिल्लाको रिब्दीकोट गाउँपालिका वडा नं. २ लघुवाका ६५ वर्षीय धन बहादुर कुवंर बुधबार दिउसो बिना जानकारी घरबाट हिडेकोमा बिहीबार दिउसो मृत अवस्थामा फेला परेको प्रहरीले जनाएको छ ।
जिल्ला प्रहरी कार्यालय पाल्पाका सूचना अधिकारी सामेश्वर त्वातीले दिएको जानकारी अनुसार हराएको २४ घण्टापछि खोजतलास गर्दा कुवंर मृत अवस्थामा फेला परेका हुन् ।
कुवंरको लघुवास्थित काहुले खाला भन्ने स्थानमा शव फेला परेको पनि प्रहरीले जनाएको छ । जानकारी बिना घरबाट हिडेका उनी बेलुकासम्म घर नफर्कीपछि परिवारले प्रहरीमा निवेदन दिएका थिए सोही आधारमा उनलाई खोजतलास गरिएको प्रहरीले जनाएको छ ।
