तानसेन। तानसेन-तम्घास सडकखण्ड १५ दिन दैनिक ११ घण्टाका दरले बाटो बन्द हुने भएको छ ।
सडक डिभिजन कार्यालय पाल्पाले सडक चौडा गर्नका लागि मंसिर ८ गतेदेखि २२ गतेसम्म बिहान ११ बजेदेखि दिउसो ४ बजेसम्म र बेलुकी ९ बजेदेखि बिहान ४ बजेसम्म बाटो बन्द गर्ने जनाएको छ ।
उक्त सडकखण्डको जोर्ते क्षेत्रमा सडक चौडा गर्नका लागि सडक बन्द गरेर काम गर्न लागिएको सडक डिभिजन कार्यालय पाल्पाका प्रमुख रामेश्वर लम्सालले जानकारी दिए । सडक डिभिजन कार्यालयले सूचना निकालेर सडक चौडा गर्ने समयमा सुरक्षा निकाय र एम्बुलेन्स बाहेकका सवारीसाधनलाई पूर्ण रुपमा संचालन गर्न रोक गर्ने जनाएको छ।
कार्यालय समयलाई मध्यनजर गरेर सडक खुलाइने र अन्य समयमा काम गर्नेगरि समय तालिका बनाएको सडक डिभिजन कार्यालयले जनाएको छ।
