पाल्पा । तानसेन रिडी तम्घास सडक खण्ड चौडा गर्नका लागि १५ दिन बन्द हुने भएको छ ।
सडक डिभिजन कार्यालय पाल्पाले दिएको सूचना अनुसार मंसिर २५ गतेदेखि पुष १० गतेसम्मका लागि दैनिक ६ घण्टा सडक पूर्ण रुपमा बन्द हुने भएको हो ।
हरेक दिन बिहान ९ः३० बजेदेखि दिउसो ३ः३० बजेसम्म सुरक्षा र एम्बुलेन्स बाहेकका सबै सवारी रोकेर काम गर्न लागिएको सडक डिभिजन कार्यालय पाल्पाका प्रमुख रामेशवर लम्सालले जानकारी दिए ।
उक्त सडक खण्डको जोर्तेमा सडक चौंडाको काम संचालनमा रहेको र समयमा कार्य सम्पन्न गर्नका लागि सडक पूर्ण रुपमा बन्द गरेर काम गर्न लागिएको प्रमुख लम्सालले बताए ।
सडक बन्द रहेको समयमा साना सवारीलाई जोर्ते, लुहुङ चण्डीभन्ञ्याङ बतासेडडाँको सडक प्रयोग गर्न सकिने भए पनि ठूला सवारी संचालनमा समस्या हुने हुँदा समय देखिएको सवारी चालकहरुले बताएका छन् ।
