तानसेन। पाल्पामा मोटरसाइकल दुर्घटना हुदा एक जनाको मृत्यु भएको छ। निस्दी गाउँपालिकाको सिन्धुरेमा लु ६ प १५२३ नम्बरको मोटरसाइकल अनियन्त्रित भई दुर्घटना हुँदा मोटरसाइकल चालक स्थानीय ४४ वर्षीय ओम बहादुर गाहाको मृत्यु भएको जिल्ला प्रहरीले जनाएको छ ।
निस्दीको सिन्धुरेमा किरान पसलदेखि घर फर्कने क्रममा गाहाको मृत्यु भएको जिल्ला प्रहरी कार्यालय पाल्पाका सूचना अधिकारी रामेश्वर त्वातीले बताए । मोटरसाइकलमा सवार मृतक गाहाको श्रीमती नीरमाया गाहा घाइते भएको प्रहरीले जनाएको छ ।
गाहाको टाउकोमा चोट लागेको हुँदा उपचार भइरहेको तथा घटनाबारे थप अनुशन्धान जारी रहेको प्रहरीको दावी छ ।
