तानसेन। पाल्पामा पछिल्लो केही दिन यता कोरोना संक्रमणदर उकालो लागेको छ।

स्वास्थ्य कार्यालय पाल्पाले दिएको जानकारी अनुसार अहिले दैनिक रुपमा संक्रमित थपिने क्रम बढेसंगै सक्रिय संक्रमितको संख्यामा समेत वृद्धि भएको छ ।

स्वास्थ्य कार्यालय पाल्पाका सूचना अधिकारी कृष्णप्रसाद पोखरेलका अनुसार बिहीबार ७ तथा शुक्रबार ६ जना संक्रमित थपिएका हुन । सूचना अधिकारी पोखरेलका अनुसार हाल जिल्लामा ४४ जना संक्रिय संक्रमित रहेका छन् ।

पछिल्ला केही दिनयता लक्षणसहिका बिरामी बढेको र परीक्षणको दायरा बढाएमा अझै धेरै संक्रमित थपिने क्रमसमेत रहेको छ।

पछिल्लो २४ घण्टामा जिल्लामा पीसीआर विधिबाट ४ तथा एन्टिजेन विधिबाट गरिएको परीक्षणमा दुई जनामा संक्रमण पुष्टि भएको हो । यस्तै सोही अवधिमा एकजना संक्रमित भने संक्रमण मुक्त भएको स्वास्थ्य कार्यालय पाल्पाले जनाएको छ ।

हाल रहेका सक्रिय संक्रमितमध्ये ४१ जना होम आइसोलेशन तथा अन्य संक्रमित अस्पतालमा उपचाररत रहेको पनि स्वास्थ्य कार्यालय पाल्पाले जनाएको छ ।

तपाईको प्रतिक्रिया