तानसेन । पाल्पामा पछिल्लो समय कोरोनाका संक्रमितहरु दैनिक रुपमा बढ्दै गएका छन् ।
कोरोनाको तेस्रो लहर सुरु हुँदा जिल्लामा सक्रिय संक्रमितको संख्या बढेको हो । यसैबीच पछिल्लो २४ घण्टामा पाल्पामा थप २३ जनामा संक्रमण पुष्टि भएको स्वास्थ्य कार्यालय पाल्पाले जनाएको छ ।
थपिएका संक्रमितमध्ये माथागढी गाउँपालिकाका १ जना, रामपुर नगरपालिकाका १ जना, पूर्वखोला गाउँपालिकाका १ जना, रैनादेवी छहरा गाउँपालिकाका ३ जना रहेका छन् । यस्तै रम्भा र बगनासकाली गाउँपालिकाका २र२ जना तथा तानसेन नगरपालिका र अस्पतालका १३ जनामा कोरोना पुष्टि भएको छ।
एन्टिजेन र पीसीआर विधिबाट गरीएको परीक्षणमा यक्त संक्रमित थपिएको स्वास्थ्य कार्यालय पाल्पाका सूचना अधिकारी कृष्णप्रसाद पोखरेलले बताए । हाल थपिएका संक्रमितसंगै जिल्लामा सक्रिय संक्रमितको संख्या एक सय २४ जना पुगेको छ ।
जसमध्ये तीन जना अस्पतालमा तथा अन्य होम आइसोलेशनमा बस्दै आएका छन् । सोही अवधिमा एक जना संक्रमित संक्रमण मुक्त भएको स्वास्थ्य कार्यालय पाल्पाले जनाएको छ ।
