तानसेन। तानसेन-रिडी-तम्घास सडक खण्ड मर्मतका लागि १२ दिन बन्द हुने भएको छ ।
सडक डिभिजन कार्यालय पाल्पाले रिबदीकोट गाउँपालिकाको जोर्ते क्षेत्रमा चट्टान कटान गरी सडक चौडा गर्नका लागि सडक बन्द गर्न लागेको हो।
सडक डिभिजन कार्यालयका प्रमुख रामेश्वर लम्सालले दिएको जानकारी अनुसार फागुन २६ गते रातिदेखि चैत्रको ७ गतेसम्म रातिको दश बजेदेखि बिहान ३ बजेसम्म दैनिक पाच घण्टा सवारी रोकेर काम गर्न लागिएको हो ।
सो क्षेत्रमा यसअघि पनि पटक पटक सवारी रोकेर सडक चौडा गर्ने कार्य भए पनि हालसम्म पनि काम सम्पन्न नहुँदा पुनः १२ दिनका लागि काम गर्न लागिएको डिभिजन प्रमुख लम्सालले बताए ।
यसैबीच पटक पटक सडक बन्द गरेर समयमा काम सम्पन्न नगर्दा सास्ती खेप्नु परेको यात्रुहरुको गुनासो गरेका छन् ।
