रिब्दीकोटमा अवैध ढुङ्गा निकासी गर्ने ट्याक्टर नियन्त्रण

तानसेन। जिल्ला प्रहरी कार्यालय पाल्पाले मंगलरबार बिहान अवैध ढुङ्गा चोरी निकासी गर्दै गर्दा एउटा ट्याक्टरलाई नियन्त्रण लिएको छ ।

जिल्लाको रिब्दीकोट गाउँपालिका वडा नं. ५ स्थित कुसुमखोला डुम्रेखोला सडक खण्डको पश्चिमतर्फ नयाँटोला खोलाबाट अवैध रुपमा ढुङ्गा निकासी गरेको अवस्थामा लु २ त ५१४७ नम्बरको ट्याक्टर नियन्त्रणमा लिएको हो ।

प्रहरी चौकी हार्थोकको गस्ती टोलीले उक्त ट्याक्टर नियन्त्रणमा लिएको जिल्ला प्रहरी कार्यालय पाल्पाले जनाएको छ। नियन्त्रणमा लिएको ट्याक्टरलाई आवश्यक कारबाहीका लागि रिब्दीकोट गाउँपालिकामा बुझाइएको जिल्ला प्रहरी कार्यालय पाल्पाका सूचना अधिकारी लक्ष्मण पचभैंयाले जानकारी दिए ।

प्रहरीले यसअघि रामपुरको निस्दीखोलाबाट अवैध बालुवा चोरी निकासी गरेको अवस्थामा द्धारबाट ट्याक्टरलाई पनि नियन्णमा लिएको थियो ।