तानसेन। पूर्वी पाल्पाको निस्दीको होटलमा एक जना युवक मृत फेला परेका छन् ।
बुधबार बिहान निस्दी गाउँपालिका वडा नं.७ सातमुरेस्थित खुमन रानाले सञ्चालन गरेको न्यू सोनिया होटलमा पोखराछापका ३५ वर्षीय पदम आले मृत फेला परेको प्रहरीले जनाएको छ ।
जिल्ला प्रहरी कार्यालय पाल्पाले दिएको जानकारी अनुसार मृतकका होटल सञ्चालक राना आफ्नै भिनाजु भएको र उनी बिहान साढे ९ बजे मृत फेला परेका हुन् ।
उनी आफू सुत्ने कोठामै मृत अवस्थामा मृत फेला परेपछि रुक्सेभञ्ज्यााङ्ग प्रहरी चौकी र ईलाका प्रहरी कार्यालय रामपुरबाट खटिएको प्रहरी टोलीले घटना स्थलमा पुगी थप अनुसन्धान गरेको जिल्ला प्रहरी कार्यालय पाल्पाले जनाएको छ ।
