पाल्पाली गायक पुस्कलको लोभलाग्दो क्रेज, महोत्सवमा गीत गाउँदा धरधरी रोइन् युवती

पाल्पा। केही दिनदेखि सामाजिक सञ्जालमा एक युवतीको भिडियो निकै भाइरल छ । पाल्पाली गायक पुस्कल शर्माले स्टेजमा प्रस्तुति दिँदा ति युवती रोएको भिडियो टिकटक, फेसबुकलगायतका सामाजिक सञ्जालमा भाइरल भएको हो ।

गायक शर्माको स्टेज​ प्रस्तुतिमा ति युवतीले चिच्याउँदै गीत गाएकी छिन् । गीत गाउँदै उनी राेएकी पनि छन् । उनका दुई वटा भिडियो सामाजिक सञ्जालमा भाइरल छन् ।

जसमध्ये ‘मुटु जलाई जलाई’ बोलको गीतमा उनी हाउभाउका साथ चिच्याएर गीत गाएकी छिन् । त्यसपछि शर्माले ‘हो भन निरमाया आउँछौ आउँदैनौँ’ बोलको गीत गाउँदा ति युवती धरधरी रोएकी छन् ।

दुई दृश्यको भिडियो पुस्कल स्वयंले टिकटकमा पोष्ट गरेका छन् । जसमध्ये ‘मुटु जलाई जलाई’को प्रस्तुतिको भिडियोले तीन दिनमा झन्डै ३० लाख भ्युज पाएको छ । ‘हो भन निरमाया आउँछौ आउँदैनौं’को प्रस्तुतिले झण्डै ५० लाख  भ्युज पाइसकेको छ ।

उक्त दृश्य कैलालीको अत्तरियामा भएको सुदूरपश्चिम प्रादेशिक महोत्सवको हो । गायक शर्माले पाँच दिनअघि अत्तरिया पुगेर प्रस्तुति दिएका थिए ।

उक्त भाइरल भिडियोलाई लिएर धेरैले विभिन्न अनुमान गरेका छन् । कतिपयले उनको ब्रेकअप भएको हुनसक्ने अनुमान गरेको प्रतिक्रियाहरू देख्न सकिन्छ ।

आँचल नाम नामकी ती युवतीले पुस्कल शर्मालाई टिकटकमा समेत फलो गरेकी छिन् ।  गायक शर्माले ति युवतीले टिकटकमा फलो गरेकाे र अाफूले पनि फलोब्याक गरेको बताए ।

गायक शर्माले मेला महोत्सवमा पुग्दा माया गर्ने हजारौं फ्यानहरुसँग भेटन् पाउने बताउँदै खुशी व्यक्त गरे । पाल्पाकाे जाेर्तेमा जन्मिएका गायक शर्माले विशेष गरी प्रेम र विरहका गीतमा निकै रुचाइएका गायकका रूपमा परिचय बनाएका  छन् ।

 

 

तपाईको प्रतिक्रिया