काठमाडाैं। रसुवा प्रहरीले दुई किलो सुन बरामद गरेको छ । नियमित चेकजाँचका क्रममा चेस्ट गार्डभित्र लुकाएर ल्याएको दुई किलो सुन बरामद भएको हो ।
जिल्ला प्रहरी कार्यालय, रसुवाका अनुसार शनिबार साँझ भएको चेकिङका क्रममा शंका लागेर चेक गर्दा टिमुरेबाट स्याफ्रुवेशी गइरहेका २४ वर्षीया सुदीप शेर्पा पक्राउ परेका थिए । उनलाई त्यो सुन टिमुरीका फुर्साङ्बु शेर्पाले दिएको पाइएपछि शेर्पालाई पनि पक्राउ गरिएको हो ।
रसुवाका प्रहरी प्रवक्ता सुवास बुढाथोकीका अनुसार बरामद सुन काठमाडौं लैजान लगिएको खुलेको छ । सुन परीक्षण गरेर थप अनुसन्धान र कारबाहीका लागि राजश्व अनुसन्धान विभाग, ललितपुर पठाएको उनले बताए ।
