पाल्पामा ट्रकको ठक्करबाट पदैल यात्रुको मृत्यु

तानसेन। पाल्पामा ट्रकले ठक्कर दिदाँ पैदल यात्रीको मृत्यु भएको छ । मृत्यु हुनेमा माथागढी २ का ५३ वर्षीय टेक बहादुर ढेगा रहेको प्रहरीले जनाएको छ ।

गएराति माथागढी गाउँपालिका वडा नं. २ फेदीस्थित खहरेबाट फेदीतर्फ जाँदै गरेको लु २ ख १४५ नम्बरको ट्रकले  ठक्कर दिएपछि ढेगा गम्भीर घाइते भएका थिए।

घटनाबारे जानकारी प्राप्त हुनासाथ अस्थाई प्रहरी पोष्ट माडीफाँटबाट प्रहरी सहायक निरीक्षक र जिल्ला प्रहरी कार्यालय पाल्पाबाट प्रहरी निरीक्षकसहितको कमाण्डमा खटिगएको टोलीले घाइतेलाई उपचारको लागि लुम्बिनी मेडिकल कलेज प्रभास पुर्याउदा ढेगालाई चिकित्सकले मृत घोषणा गरेको प्रहरीले जनाएको छ ।

मृतकको शवलाई पोष्टमार्टमका लागि पठाएर ट्रक र ट्रक चालक प्रहरीको नियन्त्रण गरी थप अनुसन्धान जारी रहेको पाल्पा प्रहरीका सूचना अधिकारी सुनिल मल्ले जानकारी दिए।