तानसेन। पाल्पामा मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा मोटरसाइकलको पछाडि बस्ने तानसेन ७ प्रभासकी २७ वर्षीया सावित्रा थापा रहेको प्रहरीले जनाएको छ ।
सिद्धार्थ राजमार्गको गौडेपुल नजिकै मोटरसाइकल दुर्घटना हुँदा गम्भीर घाइते भएकी थापाको उपचारका लागि अस्पताल पुर्याउदा चिकित्सकले मृत घोषणा गरेको प्रहरीले जनाएको छ ।
दुर्घटनामा मोटरसाइकल चालक तानसेन नगरपालिका ७ प्रभासका ४३ वर्षीय ईन्द बहादुर गाहा गम्भीर घाइते छ्। घाइते गाहाको लुम्बिनी मेडिकल कलेज प्रभासमा उपचार जारी छ ।
मंगलबार बुटवलबाट तानसेनतर्फ आउँदै गरेको लु ८८ प ५५६५ नम्बरको मोटरसाइकल गौडेपुल नजिकै अनियन्त्रित भई सडकदेखि अन्दाजी ५० मिटर तल खोला खसेको थियो।
घटनाबारे अनुसन्धान भइरहेको जिल्ला प्रहरी कार्यालय पाल्पाका प्रहरी निरीक्षक सन्दीप बेल्बासेले जानकारी दिए।
सम्बन्धित खवर
