जेष्ठ नागरिक धार्मिक तथा पर्यटकीय भ्रमण

पाल्पा । रिब्दीकोट गाउँपालिका खस्यौलीको आयोजनामा जेष्ठ नागरिकहरूका लागि विशेष धार्मिक तथा पर्यटकीय भ्रमण कार्यक्रम सम्पन्न भएको छ ।कार्तिक २९ र ३० गते सञ्चालन भएको भ्रमणमा नेपालकै प्रसिद्ध एवम् पवित्र धार्मिक स्थल देवघाटधामको अवलोकन भ्रमण सम्पन्न भएको हो ।

भ्रमणका क्रममा जेष्ठ नागरिकहरूले देवघाटस्थित विभिन्न धार्मिक स्थलहरूको दर्शन गर्दै धार्मिक महत्वका विषयमा जानकारी हासिल गरेका थिए । यस अवसरमा सहभागीहरूले देवघाटधामको वातावरणीय, धार्मिक र सांस्कृतिक महत्वबारे गहिरो अनुभव साटासाट गरेका थिए ।

गाउँपालिकाले आयोजना गरेको यस कार्यक्रमले जेष्ठ नागरिकहरूको धार्मिक र मानसिक स्वास्थ्यमा सकारात्मक प्रभाव पार्ने विश्वास व्यक्त गरिएको रिब्दीकोट गाउँपालिका उपाध्यक्ष कान्ता अधिकारीले बताइन् ।

गाउँपालिकाका प्रतिनिधिहरूले भविष्यमा पनि यस्ता कार्यक्रमहरूलाई निरन्तरता दिई जेष्ठ नागरिकहरूको सेवा र सम्मानमा विशेष ध्यान दिने प्रतिबद्धता जनाएका छन् ।