तानसेन। निस्दी गाउँपालिकाले सबै वडामा पुगेर सार्वजनिक सुनुवाइ कार्यक्रम सम्पन्न गरेको छ । वडा र पालिकाबाट चालु आर्थिक वर्षको हालसम्म भएका गतिविधिबारे आमनागरिकलाई प्रत्यक्ष जानकारी गराउने तथा आगामी कामलाई थप प्रभावकारी बनाउन सुझाव संकलन गर्ने उद्देश्यले वडातहमै पुगेर कार्यक्रम सञ्चालन गरिएको गाउँपालिकाले जनाएको छ ।
वडास्तरमै गरिएको सार्वजनिक सुनुवाइले स्थानीय सरकार र नागरिकबीचको दूरी घटाएको पालिकाले विश्वास छ । सुनुवाइमार्फत जनताले स्थानीय सरकारको कामकारबाहीबारे स्पष्ट जानकारी पाएका छन् भने कार्यान्वयनका क्रममा देखिएका समस्या र चुनौतीबारे प्रत्यक्ष संवाद गर्ने अवसर पनि प्राप्त भएको गाउँपालिका अध्यक्ष मुक्तबहादुर सारुले बताए ।
उनले गाउँ ठाउमा पुगेर सुनुवाइ गर्दा सेवा प्रवाह सुधार, पारदर्शिता अभिवृद्धि र जवाफदेहिता कायम गर्न मद्दत पु¥याएको बताए । गाउँपालिका अध्यक्ष सारुले सार्वजनिक सुनुवाइले स्थानीय सरकारलाई जनताप्रति थप उत्तरदायी बनाएको बताउँदै नागरिकका गुनासा र सुझावलाई नीतिगत सुधार तथा विकास योजनामा समेटिने प्रतिबद्धता व्यक्त गरे ।
गाउँपालिका उपाध्यक्ष तीरणकुमारी श्रेष्ठले वडातहमै पुगेर गरिएको सुनुवाइले वास्तविक समस्या पहिचान गर्न सहज भएको र समाधानमुखी काम गर्न मद्दत पुगेको धारणा व्यक्त गरे।
प्रमुख प्रशासकीय अधिकृत पूर्णबहादुर चितौरेले स्थानीय तहको गतिविधिमा पारदर्शिता कायम गर्दै नागरिक सहभागिता बढाउन वडामै सार्वजनिक सुनुवाइ गरिएको बताए। उनले यसरी गरिएकाे सार्वजनिक सुनुवाइले सेवा प्रवाहमा देखिएका कमजोरी सुधार गर्दै सुशासन प्रवद्र्धन गर्न टेवा पु¥याउने विश्वास व्यक्त गरे ।
वडाध्यक्षहरूले वडास्तरमा भएका विकास निर्माण, सेवा प्रवाह र बजेट कार्यान्वयनबारे जानकारी गराउँदै नागरिकबाट प्राप्त सुझावलाई आगामी योजनामा समावेश गर्ने प्रतिबद्धता जनाएका छन् । नागरिक र स्थानीय तहबीच प्रत्यक्ष संवादको वातावरण वडामै सिर्जना गर्दै पारदर्शिता, जवाफदेहिता र सुशासनलाई मजबुत बनाउने काम गरेकोमा स्थानीबासी खुसी भएका छन् ।
