ट्याक्टरले स्कुटरलाई ठक्कर दिदा एक जना महिलाको मृत्यु!

तानसेन। पाल्पामा ट्याक्टरले स्कुटरलाई ठक्कर दिदा एक जना महिलाको मृत्यु भएको छ । मृत्यु हुनेमा माथागढी गाउँपालिका वडा नं.३, सराईकी ५५ वर्षीया कान्तिसरा गाहा रहेकी छन् ।

बुधबार दिउँशो सिद्धार्थ राजमार्ग अन्तरगत बर्तुङ्गदेखि प्रभासतर्फ जादैँ गरेको लु ३ च ४६१५ नम्बरको पानी बोक्ने ट्याक्टरले सोही दिशामा जाँदै गरेको लु ४६ प १६१९ नम्बरको स्कुटरलाई ठक्कर दिदाँ गम्भीर घाइते भएकी गाहाको उपचारका क्रममा लुम्बिनी मेडिकल कलेज प्रभासमा लैजादैँ गर्दा बाटोमै मृत्यु भएको जिल्ला ट्राफिक प्रहरी कार्यालय पाल्पाले जनाएको छ ।

स्कुटीलाई ठक्कर दिने ट्याक्टर र चालकलाई प्रहरीले नियन्त्रणमा लिएको प्रहरीले जनाएको छ ।