पाल्पा । पाल्पामा आगो ताप्ने क्रममा महिलाको मृत्यु भएको छ ।
मृत्यु हुनेमा पाल्पा माथागढी गाउँपालिका–३, माथागढीकी ६२ वर्षीय सुमित्रा कुमाल रहेको प्रहरीले जनाएको छ ।
घरमा आगो ताप्ने क्रममा जलेर घाईते भएकी महिलाको उपचारका क्रममा मृत्यु भएको हो ।
साडीमा आगो सल्किन गई घुँडा भन्दामाथिको भागमा आगोले जलेको थियो ।
उपचारका क्रममा तानसेनस्थित युनाइटेड मिसन अस्पतालमा आज मृत्यु भएको जिल्ला प्रहरी कार्यालय पाल्पाले जनाएको छ ।
