तानसेन। पाल्पामा आगलागीमा परेर एक जनाको मृत्यु भएको छ । मृत्यु हुनेमा रैनादेवी छहरा गाउँपालिका वडा नं.३ ढुकुरखोलाका ५९ वर्षीय हरीबहादुर कुमाल रहेको प्रहरीले जनाएको छ ।
रातको समयमा भएको आगलागीबाट घरको कोठा जलेसंगै उनको मृत्यु भएको जिल्ला प्रहरी कार्यालय पाल्पाका सूचना अधिकारी लक्ष्मण पचभैंयाले जानकारी दिए ।आगो टिनको छाना भएको ३ तले घरको दोस्रो तलामा सल्किएको थियो ।
उनका परिवारका श्रीमती, छोरा र छोरीहरु अर्को गोठसहितको घरमा सुतेको हुँदा सकुशल रहेको प्रहरीले जनाएको छ ।
परिवार र छिमेकीले सहयोगमा आगो भने नियन्त्रणमा आएको र घटना बारे थप अनुसन्धान जारी रहेको प्रहरीले जनाएको छ ।
