तानसेन । ‘पाल्पा महोत्सव’मा तेस्रो दिन शनिवार चर्चित गायक शिव परियार मुख्य आकर्षणको रुपमा रहने भएका छन् ।
सार्वजनिक विदाको दिन प्रस्तुति दिन लागेका यी गायकले आफ्ना चर्चित गीत गाउँदै टुँडिखेलमा दर्शकहरुलाई नचाउनेछन् ।
पछिल्लो समय चर्चामा रहेको ‘धोकेबाज हौ तिमी’बोलको गीत शिवले गाउनेछन् ।
‘फेवातालमा साइँली’देखि ‘क्या दामी भो’सम्मका गीतहरुमा समेत प्रस्तुति दिएर उनले दर्शकहरुलाई मनोरञ्जन प्रदान गर्नेछन् । शिव स्टेज तताउन माहिर मानिन्छन् ।
शनिवार सार्वजनिक विदा र चर्चित गायकको प्रस्तुति रहेकाले महोत्सवमा दर्शकहरुको भीडभाड रहने अनुमान गरिएको छ ।
शनिवार शिवसँगै गायक दिपु मगर, रूपेश कार्की, शकुन्तला गैरे लगायतका कलाकारहरुको समेत प्रस्तुति रहनेछ । शितल शर्मा र रामकृष्ण थापा शनिवार उद्घोषकका रुपमा रहनेछन् ।
पाल्पा उद्योग वाणिज्य संघको मुख्य आयोजना रहेको महोत्सव वैशाख २४ गतेसम्म चल्नेछ ।
![टक्सारमा मनाइयाे यमरी महोत्सव [तस्वीरसहित]](https://www.nayadhar.com/wp-content/uploads/2024/12/IMG_6030-300x200.jpg)
