गुल्मी।गुल्मीको रेसुङ्गा नगरपालिका-१३ भगेरीमा ट्याक्टर दुर्घटना हुँदा एक जनाको ज्यान गएको छ ।
रिडीबाट वालुवा लिएर तम्घास आउँदै गरेको लु४त २८४६ नम्बरको ट्याक्टर दुर्घटना भएको हो । दुर्घटनामा कपिलवस्तु घर भएका ट्याक्टर चालक अम्मर कुँवरको घटनास्थलमै ज्यान गएको सशस्त्र प्रहरी गुल्म गुल्मीका प्रमुख दिनेश रायमाझीले जानकारी दिए ।
ट्याक्टर सडकवाट करिव ५ सय मिटर तल खसेको वडा अध्यक्ष खुम बहादुर खत्रीले बताए । दुर्घटना कसरी भयो भन्नेबारेमा अनुसन्धान भैरहेको प्रहरीको जनाएको छ । गएराति ट्याक्टर दुर्घटना भएपनि शनिवार विहान मात्रै दुर्घटनाको खवर प्राप्त भएको वडा अध्यक्ष खत्रीले बताए ।
