पाल्पा । अविरल वर्षfका कारण पहिरो खसेर अवरुद्ध भएको सिदार्थ राजमार्गको पाल्पा बुटवल सडकखण्ड सुचारु भएको छ । शनिबार दिउस ढुङ्गासहितको पहिरो खसेपछि राजमार्ग अवरुद्ध भएको थियो ।
शनिबार साझदेखि नेपाल प्रहरी, स्थानीय र सडक कार्यालयको प्राविधिक सहितको संयुक्त प्रयासपछि सडक सुचारु गरिएको जिल्ला प्रहरी कार्यालय पाल्पाले जनाएको छ ।
राजमार्ग अवरुद्ध हुदाँ पाल्पासंगै गुल्मी, स्याङ्जा, अर्घाखाची लगायतका यात्रुहरु दिनभर बिच बाटोमै अलपत्र परेका थिए । पाल्पाको सिद्धबाबा क्षेत्रमा बाह्रै महिना पहिरो जोखिम रहेको छ । शनिबार खसेको पहिरोमा परि पाल्पाको निस्दीका ३१ वर्षिय धन बहादुर सुनारीको घटनास्थलमै मृत्यु भएको थियो।
