पाल्पा। कपिलवस्तुमा थप १० जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ।
मन्त्रालयका सहप्रवक्ता डा. समिरकुमार अधिकारीका अनुसार नयाँ संक्रमितहरु कपिलवस्तु यशोधरा गाउँपालिका वडा नं. ५ तथा बुद्धभुमि नगरपालिका वडा नं. ७ र १० का हुन्। उनीहरू १८ देखि ३४ वर्ष उमेर समूहका पुरुषहरु हुन्। एक जना पुरुषको भने उमेर खुलेको छैन।
स्वास्थ्य मन्त्रालयका अनुसार नयाँ स्रक्रमितहरुको स्वास्थ्य सामान्य छ र सबै स्वास्थ्यकर्मीहरुको सम्पर्कमा छन्।
यससँगै नेपालमा कोरोना संक्रमित व्यक्तिहरुको संख्या १२० पुगेको स्वास्थ्य तथा जनसंख्या मन्त्रालयले जनाएको छ ।
