पाल्पा । पाल्पाको सदरमुकाम तानसेनमा तपाईको मास्क खोई अभियान सुरु भएको छ ।
प्रमुख जिल्ला अधिकारी योगेन्द्र प्रसाद पाण्डेको नेतृत्वमा मास्क खोई अभियान सुरु गरिएको हो ।
जिल्ला प्रशासन कार्यालय र जिल्ला प्रहरी कार्यालय पाल्पाको आयोजनामा सडकमा मास्क बिना हिडेका यात्रुलाई मास्क वितरण गरिएको थियो ।
कोरोना महामारीबाट आफु पनि बचौँ र अरुलाई पनि बचाउ भन्ने मुल नाराका साथ तानसेनमा बिहीबार सो अभियान सुरु गरिएको हो । मास्क लगाउदा कोरोना संक्रमणबाट जोगिने भएपनि स्थानीय प्रशासनले माक्सलाई अनिवार्य गरेको हो ।
पाल्पामा पछिल्लो समय कोरोना संक्रमितको सख्या बढेको छ । भारतमा कोरोना संक्रमणको दर बढेसँगै त्यसको असर पाल्पा लगायतका जिल्लामा पर्ने भएपनि स्थानीय प्रशासनले कोरोनाबाट जोगिन मास्कअनिवार्य गरेको हो ।
