तानसेन ।पाल्पामा शुक्रबार थप दुई जना संक्रमितको मृत्यु भएको छ ।
मृत्यु हुनेमा तानसेन नगरपालिका वडा नं. ६ का ७२ वर्षीय पुरुष तथा माथागढी गाउँपालिका वडा नं. २ की ६२ वार्षीया महिला रहेको स्वास्थ्य कार्यालय पाल्पाले जनाएको छ ।
दुवै संक्रमितको उपचारका क्रममा अस्पतालमा मृत्यु भएको स्वास्थ्य कार्यालयका सूचना अधिकारी ओम प्रकाश पन्थीले जानकारी दिए ।
७२ वर्षीय पुरुषको तानसेनस्थित युनाईटेड मिसन अस्पतालको आइसोलेशन तथा ६२ वर्षीया महिलाको लुम्बिनी मेडिकल कलेको आइसोलेशनमा उपचारका क्रममा मृत्यु भएको सूचना अधिकारी पन्थीले बताए ।
आज थप दुई जनाको मृत्य भएसंगै जिल्लामा हालसम्म ७३ जना संक्रमितको मृत्यु भएको स्वास्थ्य कार्यालय पाल्पाले जनाएको छ ।
