कोरोना अपडेटः १६३ जना संक्रमण मुक्त, थप ११० जनामा काेराेना पुष्टि

तानसेन । पाल्पामा पछिल्लाे २४ घण्टामा थप १६३ जना कोरोना संक्रमित संक्रमण मुक्त भएका छन् ।

स्वास्थ्य कार्यालय पाल्पाले दिएको जानकारी अनुसार संक्रमण मुक्त हुनेमा ७६ महिला तथा ८७ जना पुरुष रहेका छन् । यस्तै हालसम्म कूल संक्रमित मध्य ३ हजार ६५१ जनाले संक्रमण जितेको स्वास्थ्य कार्यालका सूचना अधिकारी ओम प्रकाश पन्थीले बताए ।

यस्तै पछिल्लो २४ घण्टामा थप ११० जनामा संक्रमण पुष्टि भएको छ ।

पिसिआर तथा ऐन्टिजेन विधिबाट गरिएको परीक्षणमा थ५५ महिला तथा५५ जना पुरुषमा संक्रमण पुष्टि भएको सूचना अधिकारी पन्थीले बताए । हाल जिल्लामा एक हजार ३६७ जना सक्रिय सङ्क्रमित रहेका छन् ।

सक्रिय सङ्क्रमित मध्य ८१ जना अस्पतालको आइसोलेशन, ७० जना स्थानीय तहले निर्माण गरेको आइसोलेशन तथा बाकी होम आइसोलेशनमा बस्दै आएकाे स्वास्थ्य कार्यालयको तथ्यांक रहेको छ ।

संक्रमित मध्य ७९ जनाले ज्यान गुमाएका छन् ।