पाल्पामा पहिरोमा पुरिएर एक युवाको मृत्यु

तानसेन । पाल्पामा अविरल वर्षासंगै पहिरोले घर पुर्दा एक जना युवकको मृत्यु भएको छ ।

मृत्यु हुनेमा रिब्दीकोट गाउँपालिका वडा नं. ४ मन्छिपका १९ वर्षीय मदन भट्टराई रहेको प्रहरीले जनाएको छ ।

मंगलबार दिउसो वर्षासंगै घरमाथि पहिरो खसेपछि घाईते भएका उनलाई उपचारका लागि पाल्पा अस्पतालमा पुर्याउदै गर्दा मृत्यु भएको जिल्ला प्रहरी कार्यालय पाल्पाका सूचना अधिकारी रामेश्वर त्वातीले बताए ।

अन्य सदस्यकाे प्रहरी र स्थानियको पहलमा तत्काल उद्दार गरिएको प्रहरीले जनाएको छ । उनको राति ८ः५० बजे मृत्यु भएको प्रहरीले जनाएको छ ।