पाल्पामा ५३ जनामा कोरोना पुष्टि

तानसेन । पाल्पामा पछिल्लो २४ घण्टामा थप ५३ जनामा कोरोना संक्रमण पुष्टि भएको छ ।

स्वास्थ्य कार्यालय पाल्पाले दिएको जानकारी अनुसार ८६ जनाका पीसिआर परीक्षण गर्दा ११ जना तथा १३८ जनाका एन्टिजेन विधिबाट गरिएको कोरोना परीक्षणमा ४२ जनामा संक्रमण पुष्टि भएको हो ।

संक्रमित हुनेहरुमा २३ पुरुष तथा ३० जना महिला रहेको स्वास्थ्य कार्यालयका सूचना अधिकारी ओम प्रकाश पन्थीले बताए ।

यस्तै पछिल्लो २४ घण्टामा २१ जनाले भने कोरोना जितेका छन् ।

संक्रमण जित्नेमा १० जना महिला तथा ११ जना पुरुष रहेको स्वास्थय कार्यालय पाल्पाले जनाएको छ ।

हाल जिल्लामा ४४८ जना कोारेनाका सक्रिय संक्रमित रहेको स्वास्थ्य कार्यालयको तथ्यांकमा रहेको छ । यस्तै हालसम्म १०७ जना संक्रमिते ज्यान गुमाएका छन् ।