( तानसेन) पाल्पा । सिद्धार्थ राजमार्ग अन्तर्गत तिनाउ गाउँपालिका ३ हेडबक्स नजिकै माथिबाट खसेको ढुंगाले लागेर सडकमा गुडिरहेको स्कार्पियो खोलामा खसेको छ । झुम्सादेखि बुटवलतर्फ जाँदै गरेको बा १८ च ७३३६ नम्बरको स्कार्पिया ढुंगाले लागेपछि सडकदेखि सयमिटर तल तिनाउ खोलामा खसेको प्रहरीले जनाएको छ । स्कार्पिया खोलामा खस्दा चारजना घाईते भएका छन् ।
मंगलबार बिहान साढे १० बजेतिर भएको उक्त दुर्घटनामा स्कार्पियोका चालक तिनाउ गाउँपालिका ३ का ५५ वर्षीय बाबुराम पाण्डे, सोही स्थानका २६ वर्षीय बिनोद पाण्डे, वर्ष २१ का अमृत पाण्डे र नवलपरासी गैडाकोट नगरपालिका ५ का ३४ वर्षीय गंग बहादुर दराई घाईते भएको जिल्ला प्रहरी कार्यालय पाल्पाका सूचना अधिकारी रामेश्वर त्वातीले जानकारी दिए ।
त्वातीका अनुसार घाइतेहरुको बुटवलस्थित लुम्बिनी प्रादेशिक अस्पतालमा उपचार भइरहेको छ । घाईतेहरुको अवस्था मध्यम रहेको छ ।
