पाल्पा । सिद्धार्थ राजमार्गको पाल्पा क्षेत्रको सडक अवरुद्ध भएको छ । पाल्पा बुटबल सडकको तिनाउ गाउँपालिकाको दुई स्थानमा पहिरो खस्दा सडक अवरुद्ध भएको हो ।
गएरातिदेखि परेको अविरल वर्षाको कारण सिद्धार्थ राजमार्गको तिनाउ गाउँपालिका ३ गिट्टीखानी तथा तिनाउ ५ कालीमाटीमा निरन्तर पहिरो खस्दा सडक अवरुद्ध भएको जिल्ला प्रहरी कार्यालय पाल्पाले जनाएको छ ।
पहिरोले अवरुद्ध सडक सुचारु गर्न पहल भएपनि वर्षाको कारण समस्या भएको प्रहरीले जनाएको छ । बुटबलबाट पाल्पा हुँदै गुल्मी, स्याङजातर्फका सवारीसाधान आवतजावत हुन सकेको छैन ।
