भालेबासमा बसले ठक्कर दिदा स्कुटर चालकको मृत्यु

तानसेन । सिद्धार्थ राजमार्ग अन्तरग तानसेन-बुटवल सडक खण्डको भालेबासमा बसले स्कुटरलाई ठक्कर दिदा एक जनाको मृत्यु भएको छ ।

मृत्यु हुनेमा पाल्पाको माथागढी गाउँपालिका वडा नं. २, खहरेका २७ वर्षीय ऋषिकेश सारू रहेको प्रहरीले जनाएको छ ।

आइतबार दिउँसो बुटवलबाट पाल्पातर्फ आउदै गरेको लु २ ख ८३५ नम्बरको बसले पाल्पाबाट बुटवलतर्फ जादै गरेको लु ७७ प २२०२ नम्बरको स्कुटरलाई ठक्कर दिदा गम्भीर घाइते भएका स्कुटर चालक सारुको तानसेनस्थित लुम्विनी मेडिकल कलेजमा उपचारका क्रममा मृत्यु भएको हो ।

जिल्ला प्रहरी कार्यालय पाल्पाका सूचना अधिकारी लक्ष्मण पचभैंयाले दिएको जानकारी अनुसार ठक्कर दिने बस र चालकलाई नियन्त्रणमा लिएर थप अनुसन्धान भइरहेको छ ।