तानसेन। गृहमन्त्री बालकृष्ण खाँणले सरकारले साना दललाई चुनाव चिन्ह प्रदान गर्न छुट्टै अध्यादेश ल्याउने बताएका छन् ।
शनिबार पाल्पाको रामपुर नगरपालिकाको प्रशासनिक भवनको समुद्घाटन गर्दै राष्ट्रिय दलको मान्यता पाउन नसकेका साना दलहरुदलको अतित्व रक्षाका लागि सरकारले छुट्टै अध्यादेश ल्याउने बताएका हुन् ।
गृहमन्त्री खाँणले जनताको हक, अधिकार र लोकतन्त्रको कार्यान्वयन गर्नका लागि निर्वाचनमा भाग लिन सबै दललाई आग्रह पनि गरे ।
स्थानीय तहको निर्वाचन तोकिएकै मितिमा हुने बताउदै गृहमन्त्री खाँणले सबै राजनीतिक दलहरुलाई निर्वाचनमा सहभागी हुन आव्हान गरे ।
गृहमन्त्री खाडले हिंसाको राजनीति परित्याग गरेर, द्धन्द्धको राजनीति बिसाएर शान्तिको बाटोमा जान सरकारले वातावरण बनाउने पनि दावी गरे।
यसैबीच गृहमन्त्री खाँणले सरकारले नेपाल सुरक्षाको प्रत्याभुती गर्ने क्रममा अब छिटै देशभर नयाँ प्रहरी कार्यालय स्थापना गर्ने र शान्ति सुरक्षाको हिसाबले सबैभन्दा पहिलो प्रहरी कार्यालय रामपुर हुने बताए ।
रामपुर नगरपालिकाको चार तले प्रशासनिक भवन ५ करोड ८७ लाखबढीको लागतमा निर्माण सम्पन्न गरेको हो ।
