तानसेन। पाल्पामा कार र मोटरसाइकल एक आपसमा ठोक्कदा एक जनाको मृत्यु भएको छ । जिल्लाको बगनासकाली गाउँपालिका वडा नं.–३, आर्यभाङ्ज्याङ् नजिकै मोटरसाइकल र कार आपसमा ठोक्किँदा एक जनाको मृत्यु भएको हो ।
शुक्रबार साँझ भएको दुर्घटनामा घाइते भएका रुपन्देहीको ओमसतिया गाउँपालिका–१, बस्ने ३४ वर्षका रामबहादुर गुप्ताको तानसेनस्थित लुम्बिनी मेडिकल कलेज प्रभासमा उपचारको क्रममा गए राति मृत्यु भएको प्रहरीले जनाएको छ ।
सिद्धार्थ राजमार्ग हुँदै बगनासकाली–३, बाट राम्दी तर्फ जाँदै गरेको लु २९ प ४३२६ नम्बरको मोटरसाइकल र विपरीत दिशाबाट आएको बा ९ च ९२९९ नम्बरको कार आपसमा ठोक्किएको हो ।
गुप्तासँगै मोटरसाइकलमा सवार ३० वर्षका भीमबहादुर बस्याल घाइते छन् । उनको मिसन अस्पतालमा उपचाइ भएको र अवस्था सामान्य रहेको प्रहरीको भनाई छ ।
घटनाको बारेमा थप अनुसन्धान भइरहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए ।
