तानसेन। पाल्पाको लुहुङमा यात्रुबहाक जिप दुर्घटना हुँदा चार जना घाइते भएका छन् । बुधबार दिउँसो बुर्तिबाङ्गदेखि बुटवलको लागि छुटेको लु १ ज १९९३ नम्बरको जीप तानसेन नगरपालिका वडा नं. १२ बौघापोखराथोकमा दुर्घटना भएको हो ।
स्थानीय मुराही पौडेलका अनुसार जोर्ते लुहुङ्ग बतासे सडक खण्ड अन्तरगत वैकल्पिक सडकमा जोर्तेमाथि उकालो चड्दै गरेको सवारी दुर्घटनाग्रस्त भएको हो ।
उनका अनुसार उकालो बाटोबाट माथि चड्ने क्रममा सवारीको पिकअप नपुगेर व्याक गर्ने क्रममा सडकको भित्तामा ठाक्किएपछि दुई बच्चासहित चार जना घाइते भएका हुन् ।
घाइतेमध्ये एक बालकको अवस्था गम्भीर रहेको सबै घाइतेको प्रभासस्थित लुम्बिनी मेडिकल कलेजमा उपचार भइरहेको छ । घाइतेहरु सबै बाग्लुङ्गका रहेको बताइएको छ ।
