तानसेन।पाल्पामा टिपरले च्यापेर एक जनाको मृत्यु भएको छ ।
सोमबार बिहान साढे ५ बजे निस्दी ७ ज्यामिरेको पिपेन्डीस्थित सर्वोत्तम सिमेन्टको खानीबाट चुनढुंगा बोकेर रोकेर राखेको टिपर अचानक गुडेर हावा भर्न राखेको टिपरका सहचालक सुर्खेत जिल्लाको चिनगाड गाउँपालिकाका २७ वर्षीय जीत बहादुर चलाउनेको निधन भएको प्रहरीले जनाएको छ ।
हावा भर्न राखेको ग २ ख ०७७१ नम्बरको टिपर अचान गुड्न जाँदा नजिकै पार्किङ्गमा राखेको ग २ ख ०७६९ नम्बरको टिपरमा ठोकिएर उनको मृत्यु भएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले बताए ।
सह चालक चलाउनेको दुवै टिपरको बीचमा च्याप्पिएर निधन भएको प्रहरीले जनाएको छ । घटनाबारे थप अनुसन्धान जारी रहेको प्रहरीले जनाएको छ ।
