तानसेन।पाल्पामा भएको यात्रुबहाक बस दुर्घटनाका मृतक र घाइते सबैको सनाखत भएको छ ।
हिजो राति बस करिब १० बजेको समयमा पश्चिम पाल्पाको रैनादेवी छहरा गाउँपालिका वडा नंं ८ खुसार्नेमा रुपन्देहीको सालझण्डीबाट यात्रु लिएर आउँदै गरेको ग १ ख ४९७७ नं को दुर्घटना हुँदा छ जना महिलाके मृत्यु भएको छ भने चालकसहित १८ जना घाइते भएको प्रहरीले जनाएको छ ।
मृत्यु हुनेमा ११ वर्षीया सरुमाया घिमिरे, ३६ वर्षीया, निर्मला घिमिरे, ५४ वर्षीया खीम कुमारी गाहा, २१ वर्षीया दान कुमारी खत्री, ४० वर्षीया गुना कुमारी गाहा र २१ वर्षीया बीना पाण्डे रहेको घटनस्थलमा रहेका ट्राफिक प्रहरी खेम विक्रम थापाले जानकारी दिए।
हेर्नुहोस् घाइतेको नामावलीः
मृतक सबै खुर्साने गाउँका हुन् । दुर्घटनामा परी घाइते भएकालाई रुपन्देहीस्थित लुम्बिनी प्रादेशिक अस्पताल तथा अन्य अस्पतालमा उपचारका लागि पठाइएको प्रहरीले जनाएको छ ।
बस सडकबाट करिब ६० मिटर तल भिरमा खसेको छ । भने, दुर्घटनाको कारण खुल्न नसकेको प्रहरीले जनाएको छ ।
मृतकको शवलाई पोष्टमार्टमका लागि पठाउने तयारी भएको प्रहरी चौकी जुठापौवाका बरिष्ठ हवल्दार लिलाबहादुर केसीले जानकारी दिए। घटनास्थल सालझण्डी-ढोरपाटन सडक खण्ड अन्तरगत पर्दछ ।
