उपराष्ट्रपतिमा रामसहाय यादव निर्वाचित

काठमाडाैं। नेपालकाे तेस्राे उपराष्ट्रपतिमा मा रामसहाय प्रसाद यादव विजयी भएका छन् । नयाँ बानेश्वरस्थित संघीय संसदको ल्होत्से हलमा आज भएको उपराष्ट्रपति निर्वाचनमा  यादव निर्वाचित भएका हुन्।

यादवले संघतर्फ १८४ र प्रदेशतर्फ ३२९ मत प्राप्त गरे ।उनी जनता समाजवादी पार्टी (जसपा) एवम् सत्ता गठबन्धनको तर्फबाट साझा उम्मेदवार थिए ।

यादवका निकटतम प्रतिद्वन्द्वी नेकपा (एमाले) की अष्टलक्ष्मी शाक्यले संघमा १०४ र प्रदेशमा १६९ मत प्राप्त गरिन । यस्तै जनमत पार्टीर्की ममता झाले संघमा २३ र प्रदेशतर्फ १५  मत प्राप्त गरिन् । यसैगरी, प्रमिला कुमारीले भने प्रदेश सभाका एक सदस्यको मत प्राप्त गरेकी छन् ।