काठमाडौं। नेपालमा थप २७ जनामा कोरोना भाइरस (कोभिड(१९)को संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार थपिएका संक्रमितमध्ये उपत्यकाका पाँच जना छन्। जसमध्ये काठमाडौंका तीन तथा भक्तपुर र ललितपुरका एकएक जनामा संक्रमण पुष्टि भएको छ।
यस्तै झापाका ९ जना, मोरङका १, सुनसरीका १, सर्लाहीका २, मनवानपुर १, रामेछाप १, सिन्धुली १, लमजुङका १, कपिलवुस्तका ४ र नवलपरासीका १ जनामा संक्रमण पुष्टि भएको मन्त्रालयका प्रवक्ता डा. विकास देवकोटाले जानकारी दिए।
नयाँ संक्रमितमध्ये २४ जना पुरुष र ३ जना महिला छन्। उनीहरु १७ देखि ४२ वर्ष उमेरका छन्। यससँगै कुल संक्रमितको संख्या ४०२ पुगेको छ।
उमङ्ग मिडिया प्रा. लि. द्धारा संचालित नयाँधार डट कम