पुरुषको शव भेटियो

पाल्पा । रिब्दीकोट गाउँपालिका–६ ठिमुरेमा शुक्रबार  पुरुषको शव भेटिएको छ ।

मृत्युु  हुनेमा सोही स्थानका ३५ वर्षीय चिरञ्जीवी राना रहेको जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक रामेश्वर त्वातीले बताए ।

घरदेखि केही पर रहेको रक्सी पार्ने गैरा भन्ने ठाउँको खोल्सामा शुक्रबार बिहान साढे ६ बजे राना मृत अवस्थामा भेटिएको प्रहरीले  जनाएको छ।

बिहीबार दिउँसो साढे २ बजे उनी पशुलाई बिछ्याउने सोत्तर काट्न जंगलतिर गएका थिए।

राति अबेरसम्म घरमा नफर्किएपछि स्थानीयले उनको खोजी कार्य गरेपनि बिहिवार  उनी सम्पर्क नआएको परिवारले जनाएको थियो  ।