पाल्पा । पाल्पामा आगामी मंगलबारदेखि नापतौल सम्बन्धि यन्त्रहरु जाँच गरिने भएको छ ।
यहि १७ गते मंगलबारदेखि २१ गते शनिबारसम्म जिल्लाका विभिन्न स्थानमा नापतौल सम्बन्धि यन्त्रहरुको जाँच हुने भएको हो । पाल्पा उद्योग वाणिज्य संघले उक्त समयमा जिल्लाका उद्यमी व्यापारीहरुलाई आफ्नो नापतौल सम्बन्धि यन्त्रहरु जाँच गराउन अनुरोध गरेको छ ।
उद्योग वाणिज्य संघको अनुरोधमा नेपाल गुणस्तर तथा नापतौल विभाग, गुणस्तर तथा नापतौल कार्यालय बुटवलबाट आउने टोलीले नापतौल यन्त्रको जाँच गर्न लागेको हो । व्यापारीहरुले प्रयोग गरिरहेको नापतौल यन्त्रहरु नयाँ दर्ता र पुनः जाँच हुने उद्योग वाणिज्य संघले जनाएको छ ।
नापतौल जाँच कहाँ कहिले ?
जेठ १७ र १८ गते (२ दिन) : पाल्पा उद्योग वाणिज्य संघको सभाहल
जेठ १९ गते : ताहुँ बजार र आर्यभञ्ज्याङ बजार
जेठ २० गते : हार्थोक, अर्गली र बतासे बजार
जेठ २१ गते : बर्तुङ, प्रभास, बास्टारी र सराई बजार
