पाल्पा । पाल्पामा तिन दिनदेखि हराइरहेकी एक युवती मृत फेला परेकी छन् । रम्भा गाउँपालिका –१ अमलिकी २२ वर्षीया अस्मिता बि.कलाई खोज्ने क्रममा शनिबार कालीगण्डकी नदीमा मृत फेला पारिएको जिल्ला प्रहरी कार्यालय पाल्पाले जनाएको छ ।
मृतक युवती गत बुधबार साँझ कोही कसैलाई नसोधी घरबाट हिँड्ेकी थिइन् । उनको खोजीका लागि परिवारले परिवारमा प्रहरीमा हुलिया निवदेन दिएको थियो । खोजी गर्ने क्रममा घरदेखि ३ किलोमिटर टाढा रहेको कालीगण्डकी नदीमा उनी मृत अवस्थामा फेला परेको जिल्ला प्रहरी कार्यालय पाल्पाका सूचना अधिकारी प्रहरी नायव उपरीक्षक वीरेन्द्र थापाले जानकारी दिए ।
घटनाको प्रारम्भिक अनुसन्धानपश्चात शव पोष्टमार्टमका लागि रामपुर अस्पतालमा पठाईएको छ । घटनासम्बन्धि थप अनुसन्धान कार्य जारी रहेको प्रहरीले जनाएको छ ।
