पाल्पाका दुवै क्षेत्रमा मतगणना सुरु

तानसेन। पाल्पामा आज दिउँसोदेखि मतगणना सुरु भएको छ । जिल्लाको दुई वटै निर्वाचन क्षेत्रको मतगणना कार्य सुचारु भएको हो। मुख्य निर्वाचन अधिकृतको कार्यालयले दिएको जानकारी अनुसार क्षेत्र नं. १ को रामपुरस्थित मालपोल कार्यालय र क्षेत्र नं. २ को तानसेनस्थित बाल मन्दिरमा मतगणना सुरु भएको हो ।

पहिलो चरणमा क्षेत्र नं. १ को निस्दी गाउँपालिका वडा नंं १ र २ तथा क्षेत्र नं २ को बगनासकाली गाउँपालिका वडा नं. १ को मतदान केन्द्रमा झरेको मतको गणना भएको हो ।

अहिलेसम्म कुनै क्षेत्रमा नतिजा सार्वजनिक गरिएको छैन् । दुवै क्षेत्रको प्रत्येक वडाको गणना सकिएपछि मात्रै मतपरिणाम सार्वजनिक गर्ने तयारी भएको जिल्ला निर्वाचन अधिकारी रुक्मागत अर्यालले बतए ।

पाल्पामा एकै चरणमा पहिलो हुने निर्वाचित हुने अर्थात प्रत्येक्ष तथा समानुपातिकतर्फको मतगणना एकै चरणमा गरिएको छ ।