रिब्दीकोटमा आगो ताप्दा जलेर वृद्धको मृत्यु

तानसेन। पाल्पामा आगो ताप्ने क्रममा जलेर एक वृद्धको मृत्यु भएको छ । मृत्यु हुनेमा रिब्दीकोट गाउँपालिका वडा नं. १ जोरपोखरीकोटखेराका ७५ वर्षीय खिमबहादुर विक रहेको प्रहरीले जनाएको छ ।

सोमबार बिहान आफ्नै घरको अगेनामा आगो ताप्ने क्रममा शरिरमा आगलागी भएर विको मृत्यु भएको प्रहरीले जनाएको छ ।

खरले छाएको कच्ची घरमा आगो बालेर ताप्ने क्रममा अचानक आगलागी भएको हुँदा घटनाको विषयमा थप अनुसन्धान भइरहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए ।