तानसेन । पाल्पाको सर्देवामा टिपर दुर्घटना हुँदा आठ जना घाइते भएका छन् । लु २ ख ३५४० नम्वरको टिपर पल्टिदा टिपरका चार र बाटोमा हिडेका चार जनालाई टिपरले ठक्कर दिँदा ८ जना घाइते भएको प्रहरीले जनाएको छ। पाल्पाका प्रहरी प्रवक्ता वीरेन्द्र थापाका अनुसार रैनादेवी छहरा -२, सोमादीको भर्लेमा भएको दुर्घटनाका घाइतेलाई पाल्पा सदरमुकाम तानसेन पठाइएको छ। घाइतेमध्ये एक जना गम्भीर रहेको प्रहरीले जनाएको छ ।
शिद्देश्वरस्थित चुनढुंगा खानीबाट सर्देवाबाट आउँदै गरेको टिपरले बाटोमा हिडेका चार जना विधार्थीलाई ठक्कर दिएको प्रहरीले जनाएको छ । टिप्परले ठक्करले घर, आँगन र शौचालयमा क्षति पुगेको प्रहरीले जनाएको छ ।
