नेपालमा एकैदिन ३ जनामा कोरोना संक्रमण, संक्रमितकाे संख्या ९ पुग्याे

पाल्पा । शनिबार मात्रै नेपालमा काेरोनाको नयाँ तीन जना संक्रमित फेला परेका छन् । यससँगै नेपालमा कोरोना संक्रमितको संख्या ९ पुगेको छ ।

कैलाली र कञ्चनपुरमा थप तीन जनामा कोरोना भाइरस (कोभिड–१९) पोजेटिभ देखिएको स्वास्थ्य तथा जन्संख्या मन्त्रालयले जनाएको छ ।

कैलालीका दुइर्जना र कञ्चनपुरमा एकजना रहेका छन् । कञ्चनपुरकी बिरामी भने महिला रहेकी छन। उनि नेपालमै संक्रमित हुने पहिलाे व्यक्ति हुन् ।

संक्रमितको पछिल्लो विवरण स्वास्थ्य मन्त्रालयको आधिकारिक फेसबुक पेजबाट सार्वजनिक गरिएको हो ।

यसअघि नेपालमा देखिएको ६ वटा संक्रमण विदेशबाट आएकाहरुमा मात्र देखिएका थिए । जसमध्ये एकजनाकाे उपचार पश्चात घर फर्किएका छन भने ५ जनाकाे उपचार भइरहेकाे स्वास्थय मन्त्रालयले जनाएकाे छ ।