पाल्पा। पाल्पाको तानसेन रिडी सडकखण्डमा पहिरोले २ वटा सवारी साधन बगाउँदा मृत्यु हुनेको संख्या ३ पुगेको छ ।
तानसेन नगरपालिका ११ सम्मोबारीमा लु १ क १९२८ नम्बरको तेल बोकेको ट्याङकर र लु २ ख १३७६ नम्बरको मिनी ट्रकलाई पहिरोले बगाएपछी दुइको घटनास्थल र एक जनाको अपचारका क्रममा युनाईटेड मिसन अस्पतालमा मृत्यु भएको जिल्ला प्रहरी कार्यालयका सुचना अधिकारी सुरज श्रेष्ठले जानकारी दिए ।
बगाएका सवारी साधनमा कति मानिसहरु सवार थिए भन्ने एकिन हुन नसकेको श्रेष्ठले बताए । घटनास्थलमा नेपाली सेना,सशस्त्र प्रहरी र नेपाल प्रहरी सहितको टोलीद्धारा उद्दारकार्य जारी रहेको छ ।
सो सडकलाई चौडा गर्नेका लागि केही महिला अघि खनिएको हुँदा अहिले पहिरो गएको स्थानीयले बताएका छन् ।
अहिले पहिरो हटाउने काम भइरहेको प्रहरीले जनाएको छ । घटनाबारे थप विवरण आउन बाँकी रहेको छ ।
