काठमाडौं । आइतबार नेपाली बजारमा सुनचाँदीको मूल्यमा सामान्य गिरावट आएको छ । आज छापावाला सुनको मुल्य तोलाको ५०० रुपैयाँले घटेको छ ।
नेपाल सुनचाँदी व्यवसायी महासंघका अनुसार साताको पहिलो दिनमा छापावाल सुन तोलाको ८८ हजार ३०० रुपैयाँमा कारोबार भएको छ ।
यसअघि शुक्रवार छापावला सुन तोलामा ८८ हजार ८०० रुपैयाँमा कारोबार भएको थियो ।
यस्तै तेजावी सुन तोलामा ८७ हजार ८५० रुपैयाँमा कारोबार भएको छ । यसैबीच आइतवार चाँदीको मूल्य पनि घटेको छ ।
शुक्रवार तोलामा १३३५ रुपैयाँमा कारोबार भएको चाँदीको मुल्य घटेर तोलामा १३२५ रुपैयाँमा कारोबार भएको महासंघले जनाएको छ ।
