महछापका कनौजे भरुवा बन्दुकसहित पक्राउ

पाल्पा । जिल्ला प्रहरी कार्यालय पाल्पाले अबैध रुपमा राखिएको भरुवा बन्दुकसहित एकजना पुरुषलाई नियन्त्रणमा लिएको छ ।

प्रहरीले बगनासकाली गाउँपालिका वडा न.४ स्थित महछाँपका २१ वर्षीय प्रेमबहादुर कनौजेलाई आफ्नै घरमा राखेको १ नाले भरुवा बन्दुकसहित नियन्त्रणमा लिएको हो ।

कनौजेले लुकाई छिपाई आफ्नै घरमा अबैध भरुवा बन्दुक राखेको जानकारी पाएपछि प्रहरीले बन्दुक बरामद गरि निजलाई नियन्त्रणमा लिएको जिल्ला प्रहरी कार्यालय पाल्पाका सूचना अधिकारी रामेश्वर त्वातीले बताए ।

निजबाट थप अनुसन्धान जारी रहेको पनि प्रहरीले जनाएको छ ।