तानसेन । पाल्पामा टिपर दुर्घटना हुदा एक जनाको मृत्यु भएको छ। मृत्यु हुनेमा रुपन्देहीको तिलोत्तमा ११ बस्ने टिपर चालक ४० वर्षीय बिष्णु गुरुङ रहेको प्रहरीले जनाएको छ । आज बिहान करिब ७ बजेको समयमा झडेवा रहबास सडक खण्डको गोठादी रहबासस्थित पाल्पा चुनढुङ्गा खानीमा जादै गरेको लु २ ख ११९६ नम्बरको खाली टिपर दुर्घटना हुदा चालक गुरुङको घटनास्थलमै मृत्यु भएको पाल्पाका प्रहरी प्रवक्ता वीरेन्द्र थापाले जानकारी दिए ।
दुर्घटनामा परी टिपरमा सवार माथागढी गाउँपालिका वडा नम्बर ७ झडेवाका ५० वर्षीय हुम बहादुर परियार घाइते भएको प्रहरीले जनाएको छ।
घाइते परियारलाई उपचारका लागि सदरमुकाम तानसेन ल्याइएको प्रहरीले जनाएको छ।
टिपर सडकदेखि ४० मिटर तन खसेर दुर्घटना भएको थियो।थप अनुसन्धान जारी रहेको पाल्पा प्रहरीले जनाएको छ।
